Nga Komuniteti Mysliman Shqiptar, kryetarja e LSI, Monika Kryemadhi ka uruar festën e Kurban Bajramit.
“Bashkëjetesa fetare është një nga elementët e vlerat më të mëdha që ka populli shqiptar, e kjo na bën gjithmonë bashkë që gjithë shqiptarët festojnë të gjitha festat.
Megjithatë në këtë ditë të shënuar të të gjithë besimtarëve myslimanë unë dua të uroj të gjithë popullin shqiptar Gëzuar Bajramin, jë ditë të mbarë të gjejnë mundësinë e qetësinë shpirtërore për të ngritur më shumë vlerat e familjes e popullit shqiptar, se ajo që është e rendesishme vetëm besimi në Zot na krijon hapësirat për të qenë vetvetja e mos pasur frikë nga e keqja por për ta sfiduar atë”, tha Kryemadhi.
Kryetarja e LSI ka vizituar Komunitetin Mysliman Shqiptar ne te njejten kohe qe aty ndodhej dhe ambasadorja Yuri Kim dhe ne videon e postuar ne rrjetet sociale duket dhe takimi mes diplomates amerikane dhe Kryemadhit.
E pyetur nga mediat për një koment lidhur me mos hapjen e xhamisë së Namazgjasë, Kryemadhi u shpreh:
“Kam shumë komente por nuk mendoj që sot është momenti për të folur për këtë gjë.
Besimi shqiptar është i shqiptarëve nuk është as i tullave as i gurave dhe asnjë njeri nuk e ndërton dot besimin në një godinë, besimi është në shpirt dhe nuk e merr e nuk e blen dot askush”, tha Kryemadhi.
g.kosovari
