Një ditë pasi publikoi listën e kandidatëve për deputetë, kryetarja e LSI-së Monika Kryemadhi u ndal këtë të martë në periferi të Tiranës, në Kamëz.
Kryemadhi takoi përfaqësues të bizneseve të vogla të cilëve u premtoi lehtësim të taksave që u ka vendosur qeveria Rama.
“Hajde shyqyr erdhe këtu se na ka pirë gjakun kjo qeveri! Edhe do fitojmë kismet!”,-i drejtohet një qytetar kryetares së LSI-së, ndërsa kjo e fundit ia kthen: “Shiko nuk është problemi te fitorja se sa është të ndryshimi”.
Ndërkaq, gjatë bisedës me pronarin e një dyqani fruta-perimesh, Kryemadhi shpalosi edhe njëherë pikat kryesore të programit të LSI-së për këtë sektor.
“Programi i LSI ka të bëjë me 5 prioritete, me ju që jeni biznese të vogla që ju mbytën në taksa, tua ulim taksat. Sa më shumë ua ulim taksat aq më shumë ulen çmimet për konsumatorët shqiptarë.
Sa më shumë ulen çmimet aq më shumë konsumojmë, aq më shumë fitojnë familjet.
Unë do të dëshiroja sa më shumë të keni mundësi të shkoni të votoni më 25 prill, vetëm ata që u kanë rritur taksat mos i votoni”, tha Kryemadhi.
Me sa duket kryetarja e LSI nuk ka humbur kohe dhe ka filluar “sulmin” per t’i marre Bashes votuesit ne Kamze!
g.kosovari
