Monika Kryemadhi, kryetarja e LSI, njëherazi gruaja e presidentit Ilir Meta, ka sulmuar kryeministrin Edi Rama dhe të ashtuquajturin “grupi i Vjenës”. Natyrisht, ajo vijon me denoncimet për inceratorët, teksa SPAK-u tashmë ka arrestuar ish-ministrin e Mjedisit, Lefter Koka, dhe ish-sekretarin e tij të përgjithshëm, Alqi Bllako.
Duke përmendur “grupin e Vjenës”, me siguri Kryemadhi ka një kundërpërgjigje edhe për atë që shkruhej sot në “Kronen Zeitung”, për lobim 700 mijë dollarësh nga Ilir Meta për një foto me Donald Trump:
“Me këtë foto të serave mbi inceneratorin e Tiranës, financuar nga fondet e BE, po përshëndes grupin e Vjenës dhe pronarët e inceneratorëve, që po rrojnë me shpresën se do t’i shpëtojnë drejtësisë, duke fituar azil në Vjenë të Austrisë. Tik-Tak, ora po afron.
P.S: Kryeministri që ulëret për evazionin fiskal, le të merret me evazionin fiskal të inceneratorit të Tiranës, ku firma me dy punojës kanë faturuar tek firmat e skemës së koncesionit korrupitv vlera deri në 9 milionë dollarë. Të shohi KM krimin shtetëror të kolegëve dhe miqve të tij, pastaj të merret me rrogat minimale të qytetarëve shqiptarëve”.
/a.r
