Dy ditë para seancës së parë të Kuvendit të ri, kreyetarja e LSI Monika Kryemadhi ka mbledhur Grupin e deputetëve të kësaj force. Ajo ka dhënë direktivat për deputetët, duke paralajmëruar opozitë të fortë dhe iniciativa konkrete legjislative.
“LSI do vijojë të jetë parti e stabilitetit politik si në 13 vitet e fundit dhe synojmë integrimin e vendit. Do jemi në opozitë me keqqeverisjen. Do mbajmë qëndrim të jashtëzakonshëm sa i përket iniciativave në jetën parlamentare. Do jemi vigjilentë dhe do ndjekim çdo iniciativë që fle në sirtarët e Kuvendit, siç është propozimi për koncesionet. Mungesat tona do të jenë të patolerueshme në Kuvend…”, deklaroi ajo.
Sipas Kryemadhit, qeveria që LSI do ketë përballë është e vogël, por do synojë korrupsion të madh, prandaj ftoi të gjithë deputetët e saj të rrisin vigjilencën./a.m.
