Ministri i Jashtëm gjerman, Sigmar Gabriel e ka konsideruar sulmin e djeshëm ndaj parlamentit maqedonas, i kryer nga protestuesit kundër zgjedhjes së kryetarit të ri të parlamentit, si të papranueshëm.
Gabriel, duke folur përpara një takimi me ministrat e jashtëm të Bashkimit Evropian në Maltë, tha se, më në fund duhet të krijohet qeveria e re, pasi zgjedhjet ishin demokratike.
“Është krejtësisht e papranueshme, që partia qeverisëse të refuzojë krijimin e qeverisë dhe që mbështetësit e saj po sulmojnë parlamentin, duke goditur deputetët”, deklaroi Gabriel.
Të enjten, mbështetësit e partisë nacionaliste VMRO-DPMNE hynë në dhomën kryesore të parlamentit dhe sulmuan anëtarët e opozitës, socialdemokratët (LSDM) si dhe përfaqësuesit e shqiptarëve etnikë./b.
