Kryetari i ri i Bashkisë së Dibrës, Muharrem Rama, ka falënderuar zgjedhësit për fitoren dhe ka hedhur poshtë akuzat e opozitës për blerje votash. Rama theksoi se asnjë nga akuzat e PD-së nuk është e vërtetë, pasi dibranët nuk blihen me para.
“Së pari më lejoni të shpreh falënderim të veçantë për të gjithë ata që më votuan. Kjo më shton mua përgjegjësinë para qytetarëve të Dibrës. Kjo më bën mua si kryebashkiak që ta çojë Dibrën ashtu siç ne e ëndërrojmë. Gjatë këtyre ditëve janë hedhur akuza si trafikantë droge. Kam punuar dhe kam shëruar dhe u kam shërbyer qytetarëve të Dibrës. Nuk kanë lënë gjë pa thënë, madhe edhe vëllezërit e mi. Kanë folur për një media që vëllezërit e mi kanë ofruar para. Por dibranët nuk blihen me para. Ata kanë shkuar atje për të kërkuar vend pune. Ne do hapim vende pune.”, tha kryebashiaku Rama.
Sakaq, deputeti i majtë, Sadri Abazi i kërkoi kryeministrit Rama që të mbështes Dibrës, pasi edhe ajo do ta mbështes. “Urime kryetari të Bashkisë. I kërkojmë të mbështes fortë Dibrën. Falenderojmë kryeministrin Rama. Dibra do të të mbështesë ty”, tha Abazi.
d.i.
