Policia e Krujës, në vijim të zbatimit të planit të masave për kontrollin e territorit, me qëllim parandalimin e rasteve të kultivimit të bimëve narkotike, ka goditur një tjetër rast.
Mësohet se gjatë kontrollit të ushtruar nga uniformat blu, në fshatin Brret, Bashkia Krujë, u gjetën dhe asgjësuan me anë të djegies 75 bimë narkotike e llojit Cannabis Sattiva.
Lidhur me këtë ngjarje, policia bën me dije se ka nisur proçedimi penal në ngarkim të F.K. 57 vjeç, kryeplak i fshatit Brret dhe B.Xh. 76 vjeç, banues në fshatin Brret, Krujë.
Gjithashtu është shpallur në kërkim dhe po punohet për kapjen e O.Xh. 51 vjeç, banues në fshatin Brret, Krujë, djali i B.Xh.
Ndërsa, materialet i kanë kaluar Prokurorisë së Rrethit Gjyqësor Krujë për veprime të mëtejshme për veprat penale” Kultivimi i bimëve narkotike” dhe “Moskallëzimi i krimit”./a.m.
