Anija e dytë e madhe turistike e ndërtuar në Kinë pritet të dorëzohet deri në fund të vitit, pas përfundimit të ndërtimit të strukturës së saj kryesore, njoftoi të premten ndërtuesi i anijeve, Korporata Shtetërore e Ndërtimit të Anijeve të Kinës (CSSC), citon “Xinhua”.
Kroçera “Adora Flora City” është planifikuar që në mars të ketë fazën tjetër të testimit të ankorimit në port, ndërsa testet në det janë planifikuar për në fund të majit.
Me një tonazh bruto prej 141.900 tonësh, anija turistike përfaqëson një hap të mëtejshëm përpara në aftësinë e ndërtimit të anijeve të mëdha turistike të Kinës.
Krahasuar me anijen e parë të madhe turistike të ndërtuar në vend, “Adora Magic City”, anija e re paraqet një sërë përmirësimesh në dizajn dhe ndërtim.
Sipas kompanisë, anija është 17.4 metra më e gjatë, ofron zona publike të zgjeruara dhe rehati të përmirësuar në bord.
