Presidentja konservatore në ikje, Kolinda Grabar Kitaroviç do të përballet në turin e dytë të zgjedhjeve presidenciale me ish-kryeministrin social-demokrat, Zoran Milanoviç, sipas rezultateve zyrtare të turit të parë të zgjedhjeve që bazohen në numërimin e votave në pothuajse 98% të qendrave të votimit.
Pas rezultateve të publikuara nga Komisioni Zgjedhor, ish-kryeministri i qendrës së majtë, Zoran Milanoviç mori 29,56 % të votave duke kryesuar ndaj presidentes në ikje, Kolinda Grabar-Kitaroviç, e cila mori 26,75 % dhe Miroslav Skoro, një kandidat populist i së djathtës, i cili mori 24,40%.
Turi i parë që u zhvillua dje zbuloi fuqizimin e së djathtës ekstreme, në një vend që po përballet me presionin e imigrantëve në kufijtë e saj dhe ashtu si fqinjët ballkanikë me një eksod masiv të banorëve të saj si dhe me një korrupsion endemik.
Me rreth 30% të votave, ish-kryeministri social-demokrat, Zoran Milanovic, 53 vjeç, u rendit në krye të zgjedhjeve, sipas rezultateve zyrtare pas numërimit të pothuajse të gjitha votave.
/a.r
