Presidenti i AKR-së, Behgjet Pacolli, ka thënë se në lidhje me marrëveshjet me Serbinë dhe kërkesat e opozitës partia e tij sheh tri mundësi të daljes nga kriza politike.
Pacolli ka shkruar në profilin e tij në “Facebook”, se kryeministrit Mustafa i mbeten tri rrugë: “Të japë dorëheqje për shkaqe etike, të mos përfillë përgjegjësinë etike dhe të vazhdojë në rrethanat kur opozitën në vazhdimësi do ta ketë përballë në këtë çështje.
Në këtë rast do të kemi vazhdimësi të krizës dhe dëmtim të vazhdueshëm të imazhit të Kosovës ose, i gjithë spektri politik të jetë koshient për nevojën e shtetndërtimit dhe integrimit të Kosovës dhe në mënyrë koncensuale t’i jepet shans kryeministrit t’i implementojë marrëveshjet dhe gjatë implementimit të marrëveshjeve (hartimit të statutit) të jetë i kujdesshëm dhe transparent në veprimet e tij”.
