Çmimet e ushqimeve të konsumit në botë po bien. Sipas matjeve të Organizatës së Kombeve të Bashkuara, për muajin shtator Indeksi i Çmimeve të Ushqimit rezultoi 136,3 pikë niveli më i ulët në 6 muajt e fundit.
Nga kjo ecuri pozitive pritet të përfitojë pak edhe Shqipëria, duke lehtësuar disi xhepat e qytetarëve.
“Ulja ndihet më pak. Ka erdhe arsye psikologjike dhe arsye të fitimit të tregtarëve, por ka edhe arsye më logjike.
Praktikisht produktet e importit i nënshtrohen transportit dhe doganave dhe transporti është rritur shumë për shkak të çmimit të naftës”, thotë për A2 CNN, Zef Gjeta, pedagog, ekspert për bujqësinë.
Teksa do të parandalojë rritjen e mëtejshme për disa kategori, ekspertët thonë se disa ushqime mund të vijojnë të shtrenjtohen.
“Për disa prej produkteve nuk do të kemi, por nuk përjashtohet që të kemi rritje për disa nga produktet, qoftë sepse dalin nga sezoni, qoftë edhe sepse janë të kërkuara në treg dhe tregtarët e nuhasin këtë gjë.
Banka e Shqipërisë parashikon që rritja e çmimeve të vijojë të paktën edhe për 6 muaj të tjerë, duke iu rikthyer stabilizimit në vitin 2024./m.j
