Eduard Shalsi është në mesin e deputetëve që ka firmosur një propozim ligjor për kthyer importin e mbetjeve në Shqipëri, ndonëse qeveria Rama e shfuqizoi me të ardhur në pushtet.
Pr.ligji në fjalë ndodhet në nisje të procedurave parlamentare, ndërsa sipas Shalsit, akti i propozuar “rikthen të drejtën e importit të mbetjeve jo të rrezikshme në vend”.
Duke folur për News 24, deputeti tha se asnjë mbetje nuk do të digjet në Shqipëri dhe se vendi ynë nuk do të kthehet në “kazan mbetjesh”.
“T’i japim oksigjen industrisë së riciklimit. Të mos e lëmë industrinë ricikluese të vdesë. Duhet leje e posaçme për përpunimin e mbetjeve. Jo mbetjeve, pro lëndëve të para drusore…Nuk do importohet asnjë mbetje për djegie në Shqipëri. Shqipëria nuk do të kthehet në “kazan mbetjesh”. 70-80% e mbetjeve do të eksportohen vetëm 1-2 dogana për imortin e mbetjeve”, ka thënë Shalsi.
Deputetët që kanë firmosur propozimin ligjor janë Eduard Shalsi, Ervin Bushati nga PS dhe Bujar Derveni nga LSI./a.m.
