Kristina ka prekur ëndrrën e modelingut duke u bërë fillimisht imazh i një butiku me veshje për femra, për të fituar më pas në 2015-ën çmimin e shoqërueses së parë në Miss Universe.
E s’kishte si të ndodhte ndryshe pasi linjat e saj perfekte tërheqin menjëherë vëmendjen, sidomos tani gjatë periudhës së verës që ajo nuk ngurron t’i ekspozojë hapur në rrjetet sociale.
Kristina edhe pse është e dashuruar me botën e modës, siç është shprehur në intervista të mëparshme i pëlqen shumë të bëhët edhe pjesë e televizionit. Por tani për tani mjaftohet duke provokuar ndjekësit e saj dhe sytë e agjencive të modelingut me poza të nxehta.
Emri i saj gjithashtu është biseduar edhe për një marrëdhënie të mundshme me Noizy-in, por aludimet i hodhi poshtë vetë ajo, duke thënë se me reperin ka një shoqëri të mirë pas pjesëmarrjes të saj në një nga klipet e tij dhe takimit në Miss Universe.
