Viti 2016 godet sërish, edhe në ditët e fundit të tij. Këngëtari me famë botërore George Michael ka ndërruar jetë në moshën 53-vjeçare.
Ikona e muzikës pop është gjetur i vdekur natën e Krishtindjeve në banesën e tij në Goring, Oxfordshire, teksa të gjithë dëgjonin hitin e tij të njohur ”Last Christmas”.
Sipas informacioneve nga mediat ndërkombëtare, 53-vjeçari ka ndërruar jetë si pasojë e një ataku në zemër.
Lajmin e vdekjes së këngëtari të njohur e ka bërë me dije menaxheri i tij në një njoftim për mediat.
“Me trishtim të madh ju njoftojmë ndarjen nga jeta të birit tonë të dashur, vëllait dhe mikut tonë George, i cili u nda nga jeta në shtëpinë e tij në këtë periudhë Krishtlindjesh. Familja e tij kërkon privatësi në këto momente të vështira, prandaj ju lutem respektojeni këtë vendim”, shkruhet në deklaratën e menaxherit.
George Michael ka shitur më shumë se 100 milion albume në mbarë botën në një karrierë që përfshin katër dekada, por jeta e tij në vitet e fundit është shoqëruar shpesh me polemika për shkak të orjentimit të tij seksual.
Disa nga këngët e tij më të njohura janë Wake Me Up Before You Go Go (with Wham!) – 1984, Freedom (with Wham!) – 1984, Careless Whisper – 1984, I’m Your Man (with Wham!) – 1985, Last Christmas, etj.
shqiptarja.com/d.i.
