Në vigjilje të natës së Krishtlindjes, Kryetari i Grupit Parlamentar Socialist Taulant Balla ishte në Peqin, në festën e organizuar nga fëmijët me aftësi ndryshe, së bashku me motrat dhe vëllezërit e tyre.
Nën kujdesin e shoqatës MEDPAK, fëmijët me aftësi ndryshe të Peqinit kishin krijuar edhe një trupë artistike.
Në festë fëmijët recituan vjersha, kënduan këngët e festave të fundvitit dhe interpretuan numra artistikë.
Deputeti Balla u shpreh se të festosh me fëmijët me aftësi ndryshe dhe motrat e vëllezërit e tyre është festa më e bukur e fundvitit.
“Projekti i mbështetutr nga IACA është ndër projektet më të mirë që bashkëpunimi midis qeverisë shqiptare dhe asaj italiane ka bërë të mundur të financohet përmes ministrisë së Financave, “Pa pengesa – Modele të përfshirjes sociale”. Këtu në Peqin, po të kemi parasysh dhe numrin e shumë fëmijëve dhe jo vetëm, vendosëm të mbështesim këtë projekt, i cili bën të mundur aksesin në kopshte, në shkolla, tek Bashkia, tek Pallati Kulturës dhe kudo tjetër, të gjithë personave që nuk janë me të njëjtat aftësi si njerëzit e tjerë.
Gëzuar të gjithëve Krishtlindjet!”, – përfundoi Balla. /b.d
