Marrëdhënia e Efit dhe Kiarës mund të ketë pësuar krisje. Me daljen e kësaj të fundit nga shtëpia e Big Brother VIP, në spektakël u duk se ishin shumë të afërta me njëra-tjetrën, por në fakt nuk janë takuar më.
Këtë e bëri me dije Efi duke thënë se s’janë takuar më pas daljes së saj nga Big Brother për shkak se i ka lënë asaj hapësirën e saj që të ambientohet me jetën jashtë.
“I dhashë këshillat se si të përballet me realitetin jashtë. Nuk kemi folur Akoma dhe unë e kuptoj shumë mirë. Mua m’u deshën shumë kohë që të takoja miqtë e mi”, tha Efi.
Kiara u zhgënjye nga Efi që kur ishte pjesë e Big Brother VIP dhe duhet të mësonte diçka nga jeta jashtë. Mes tyre kishin renditur momentin kur Efi komentonte sjelljen e Luizit ndaj Kiarës, të cilën e bllokoi në lavaman kur ishin pjesë e një loje.
“E vendosa veten në vendin e Kiarës. Nëse partneri im do më vendoste në atë lloj situate unë do të reagoja drejtpërsëdrejti tek ai. 1 fjalë i duhej Kiarës për tu mbyllur ajo situatë, thjesht t’i fliste Luizit dhe t’i thoshte largohu. Ajo nuk donte ta bënte këtë gjë që do të thotë e kishte akoma mendjen tek loja.
Nëse ti e ke mendjen tek loja do të thotë që ndjesitë e tua, mërzitja jote, ankthi jot që supozohet ju shkaktua, atëherë do harrohej. Do harrohej loja. Pasi u prish loja, reagimi i saj i parë ishte nuk më le një herë të luaj dhe të fitoj. Nuk e kapi Luizin dhe t’i thoshte shiko ky veprimi që ti bëre më lëndoi. Edhe Luizi atë moment e mori si çështje loje dhe ajo thjesht po acarohet për lojën. Dhe kështu ndodhi. Për mua Kiara u acarua vetëm për faktin që nuk fitoi. I erdhi inat që humbi, këtë përjetoi ajo”, tha Efi, gjë që e preku Kiarën.
/e.d
