Analisti Artur Meçe thotë se më 11 maj, shqiptarët e kanë në dorë të zgjedhin, ose Bashkimin Evropian, ose Sali Berishën.
Në një intervistë për “Tirana Live” në ABC News, Meçe u shpreh se Berisha duhej dënuar për korrupsion.
Sipas Meçes, fakti që në 12 vite nuk u ndëshkua, kjo po i jep Berishës të drejtë morale të thotë nuk është i korruptuar dhe se do të luftojë korrupsionin.
“Për 12 vjet, Berisha i cili ishte certifikuar si person i korruptuar, sistemi i drejtësisë nuk e ndëshkoi, për 12 vjet nuk gjetën asnjë fakt. Shqipëria ka probleme serioze me korrupsionin, por më i korruptuari në Shqipëri, merr të drejtën dhe thotë, unë nuk jam i korruptuar, ju jeni. Tani kanë marrë moralin dhe godasin, duke harruar se kush janë. Nuk ia hedh fajin Berishës me thënë të drejtën. Një kriminel sa politik dhe ekonomik, vrasës serial, por 12 vjet, nuk e dënove. Krimineli të bën moral. Duke përjashtuar Altin Dumanin, nuk është vetëm SPAK. Ne kemi problem të madh në drejtësinë e niveleve të ulta dhe mesatare. Thashë, për 12 vjet nuk e godite korrupsionin në drejtësi. Nuk i ndëshkove, ish prokurori i përgjithshëm në kohën e Berishës, del në takimet e tij dhe krah tij. Të njëjtën gjë kemi me Gjin Gjonin. Kur me reformën në drejtësi nuk i ndëshkove, sot në kushtet e prezumimit të pafajësisë, është e drejta e tyre, kanë të drejtën e tyre. Ky është problemi që vuajmë dhe do të vazhdojmë të vuajmë. Nuk i themi dot je i korruptuar, kur nuk u dënove për 12 vjet”, theksoi ai
