Prokuroria e Krimeve të Rënda merr në dorë hetimet për ekzekutimin makabër të 43 vjeçares Liljana Rukaj nga bashkëshorti i saj Ferdinant Rukaj. Burime nga grupi hetimor bënë me dije për Report Tv se, fillimisht Ferdinanti ka dhunuar bashkëshorten, e ka mbytur e më pas hedhur nga kati i katërt i banesës së tyre.
Ndaj 52-vjeçarit është kërkuar masa e sigurisë ‘arrest me burg’ dhe të martën ai do të dalë para gjykatës së Krimeve të Rënda për t’u njohur me akuzën që rëndon ndaj tij. Referuar ndryshimeve në Kodin Penal, Ferdinant Rukaj rrezikon burgim të përjetshëm pasi ai akuzohet për krim në familje sipas nenit 79/c të kodit penal, vrasje me dashje e bashkëshortit.
ma.me
