Analizat mjeko-ligjore janë duke u zhvilluar mbi eshtrat e Antonella Salamone dhe autopsitë janë duke u zhvilluar mbi trupat e dy djemve të saj Kevin dhe Emanuel, 15 dhe 5 vjeç, të vrarë nga babai i tyre Giovanni Barreca, motra e madhe, 17 vjeç dhe dy bashkëpunëtorë të dyshuar gjatë një ekzorcizmi.
Hetimet, të cilat do të vazhdojnë, duhet të japin përgjigje për shumë pika që mbeten të paqarta në lidhje me masakrën e Altavilla Milicia, duke filluar nga data e saktë e vrasjeve dhe shkaqet e vdekjeve. Gjatë krimeve doli gjithashtu se 17-vjeçarja ka shkëmbyer dhjetëra mesazhe me miqtë e saj (e reja u tha prokurorëve: “Duhet t’i shpëtoja, do t’i bëja sërish të gjitha” ). “Kur mund ta shoh sërish babanë?” – pyeti vajza disa herë hetuesit.
Datat e krimeve
Gruaja besohet të jetë vrarë natën ndërmjet 8 dhe 9 shkurtit, e më pas është djegur dhe varrosur në kopsht, ndërsa fëmijët janë torturuar dhe më pas u mbytën natën e 9 shkurtit. Një ekzaminues mjekësor, i cili ishte caktuar nga avokatët si konsulent për autopsinë, duhej të tërhiqej për shkak të një problemi papajtueshmërie.
Megjithatë, eksperti Concetto Miccichè mbetet i nominuar për ekzaminimin e eshtrave njerëzore të gruas. “Ne do të shlyejmë mandatin tonë për shkak të problemeve që lidhen me organizimin e punës së firmës”, njoftuan avokatët Vincenzo dhe Sergio Sparti që mbrojnë Sabrina Fina dhe Massimo Caradente, çifti që ndihmoi Barrecën në ekzorcizmin që më pas përfundoi me vrasjen e gruas dhe dy djemtë. Familjarët e çiftit kanë gjetur tashmë avokatë të rinj.
Roli i 17-vjeçares
Ndërkohë, dalin detaje të reja për rolin e 17-vjeçares, e vetmja e mbijetuar e masakrës. Kur mbërritën karabinierët, të thirrur nga Barreca, i cili në telefon, natën mes 10 dhe 11 shkurtit, rrëfeu krimet, vajza ishte në gjumë dhe pranë saj kishte celularët e vëllezërve dhe nënës së saj, me siguri të vjedhur prej tyre që të mos kërkojnë ndihmë. Në dhomën tjetër ishin kufomat e vëllezërve. Ndryshe nga sa u raportua fillimisht, 17-vjeçarja nuk ishte aspak në gjendje konfuzioni, por flinte e qetë në dhomën e saj. Adoleshentja rrëfeu rolin e tij në krime duke pranuar se ajo dhe tre të dyshuarit, të gjithë në burg, kishin torturuar familjarët e tyre dhe se kishte ndihmuar në varrosjen e mbetjeve të djegura të nënës në kopsht. Ndërkohë që nëna dhe vëllezërit e saj ishin duke vdekur, 17-vjeçarja ka shkëmbyer dhjetëra mesazhe me miqtë e saj.
Rituali i pastrimit
Rituali i pastrimit nga djalli i Salamones dhe djalit të saj të vogël, i shtrirë më pas edhe tek Kevini, kishte filluar në fillim të janarit. Nëna e dy djemve, duke ndjerë se të tre do të ktheheshin nga lutja në dhunë, u përpoq të kundërshtonte nismat e tyre dhe për këtë arsye u vra e para.
/f.s
