Rritja e dhunës seksuale në vend ka nxitur debatin në studion e Dita Jonë në A2 CNN, për hapjen ose jo të shtëpive publike.
Ekspertët ndanë mendimin se ligjërimi i tyre nuk do të ulë krimet seksuale. Për psikologun Eduart Tafa, as kastrimi i pedofilëve nuk është zgjidhje për frenimin e këtij fenomeni. Sipas tij kjo mënyrë e ndalon atë fizikisht, por jo sjelljen e ngacmimit seksual. Nga studio e A2, ai tha se institucionet duhet të merren me shëndetin mendor të këtyre personave për t’i rehabilituar.
“Të shtojmë vëmendjen ndaj këtyre personave, të shtojmë komunikimet institucionale kur kemi të dhëna për persona që kanë një qasje të tillë.
Nëse merremi me pedofilinë duhet të shohim moshat, si subjektet e shkollave zona e liqenit apo të tjera. Ndjekja penale është vetëm faza e parë, por duhet të merremi edhe me fazat e tjera që duhet të punojmë fort me rehabilitimin dhe ndërgjegjësimin e këtyre personave, dëgjoj persona që thonë se kastrimi, injektimi, impotenca janë formula që përdoren në vende të tjera.
Por për një person pedofil nëse përdoret kastrimi nuk është në zgjidhje të situatës. Kastrimi i heq mundësinë fizike, por nuk i heq mundësinë për të vijuar të njëjtën sjellje, duke përdorur ngacmimin seksual. Ngacmimi seksual jepet me fjalë, veprime në distancë. Duhet punuar me komponentin mendor për ta rehabilituar. A arrin ta kuptoj personi veprimin që bën. Edhe pse nuk ka fuqinë e aktit, ka fuqinë e veprimit”, tha ai në A2.
