Policia e Kosovës ka dhen detaje në lidhje me një rast tragjik në Prizren, ku një 15-vjeçare ka mbetur e vdekur.
Dyshohet se një burrë ka therur me thikë gruan dhe dy vajzat e tij 15 dhe 10-vjeçare, ku njëra prej tyre ka vdekur nga plagët e marra, raporton Zeri.info.
“Rreth orës 06:00 kemi pranuar informatë se një person është me thikë në dorë në rrugën “Shotë Galica”. Policia ka dalur në vendin e ngjarjes, ku ka parë tre persona të lënduar, dhe njëra nga të lënduarat ka ndërruar jetë”, ka konfirmuar zëdhënësi i Policisë së Kosovës, Shaqir Bytyqi.
Po ashtu, ai tha se edhe vajza tjetër 10 vjeçare është në gjendje të rëndë shëndetësore, e cila është dërguar për tretman mjekësor në QKUK. I dyshuari tashmë është arrestuar.
Bytyqi tha se i dyshuari dhe viktimat kanë shtetësi turke.
