Një krim i rëndë ka ndodhur në fshatin Gliki të Thesprotisë, rreth 80 km në Jugperëndim të Janinës.
Mëngjesin e kësaj të hëne, pronari i një stani bagëtish ka gjetur ndihmësin e tij, një shtetas shqiptar, 25 vjeç, të masakruar. Mesohet se viktima quhet Bledar Terpollari, ndersa dyshimet e para te vrasjes lidhen me perfshirjen e mundshme te tij ne pazare droge.
Sipas përshkrimit që bëjnë burime policore, trupi i pajetë i të riut shqiptar është gjetur pa kokë dhe kjo e fundit eshte gjetur pas disa minutash kerkime.
Më vonë kanë mbërritur një ekip i Kriminalistikës bashkë me mjekun ligjor dhe kanë filluar hetimet për të riun shqiptar, që thuhet se kishte vetëm dy muaj që punonte si ndihmësbari në stanin e këtij fshati. (javanews.al / a.r)
