Është ende një bast, por mundësia për të krijuar dhe realizuar një vaksinë terapeutike që do të luftojë kancerin është afër.
Kështu e nis shkrimin e tij gazeta La Reppublica, e cila shton se shkencëtarët gjermanë të Universitetit të Gutenbergut në Mainz, tashmë kanë nisur testet e para të kësaj vaksine tek njerëzit, për të parë dhe rezultatet.
Vaksinat terapeutike bëjnë të mundur “shfaqjen” e kancerit, duke sinjalizuar kështu në kohë sistemin imunitar të organizmit për të luftuar qelizat kancerogjene.
Deri më tani, kjo vaksinë ka dhënë rezultate pozitive kur është provuar tek minjtë e laboratorit, një fakt që e raporton një artikull në “Nature”, shkruan La Reppublica.
Tashmë kjo vaksinë është duke u provuar tek tre pacientë të cilët janë në stadin e avancuar të melanomës (Kanceri në lëkurë)
“Studimi ynë sjell një klasë të re vaksinash të forta, të cilat janë në gjëndje që t’i “tregojnë” sistemit tonë imunitar prezencën e qelizave të kancerit. Është një hap i rëndësishëm që do të bëjë të mundur krijimin e terapive më të specializuara për të luftuar një sërë lloje të kancerit” tha doktor Ugur Sahin, që po drejton kërkimin shkencor.
Shkrimin e plotë mund ta lexoni KËTU.
java/ a.k
