Gjatë ditës së sotme kryeministri Edi Rama dhe Ministri i Financave Arben Ahmetaj ishin në një takim me përfaqësuesit e biznesit të vogël.
Në takim ishte i pranueshëm edhe kreu i Shoqatës së Biznesit të Vogël dhe Biznesit të Mesëm Albert Nasto.
Gjatë fjalës së mbajtur, ai kishte një mesazh për politikën, të cilës i bëri thirrje të qëndronte larg protestave të tyre.
“Do t’ju lutesha shumë politikës, të largohen nga biznesi, këtu nuk është problemi jemi me këta apo jemi me ata. Ne ishim bashkë në 2013-ën kur kundërshtuam atë që bëri Berisha kalimin e tavanit nga 8 milionë në 5 milionë. 2014—2017 janë mbyllur 82 mijë biznese. Duhet të shikojmë shkakun e mbylljes. Sipas analizës shkaku kanë qenë taksat e larta. Jo vetëm nga qeveria qëndrore por edhe bashkitë. Çmimi i energjisë, na u premtua që do ulej, çmimi u rrit. Karburanti, jemi në vendet më të shtrenjta. Karburanti dhe energjia janë kolonat, nëse çmimet janë të larta…” deklaroi ai./a.m.
