Shefi i inteligjencës së huaj gjermane, Bruno Kahl, ka paralajmëruar se Rusia mund të përpiqet të shkatërrojë zgjedhjet gjermane vitin e ardhshëm me sulme kibernetike. Kahl u shpreh se agjencia e tij është në dijeni të sulmeve kibernetike që nuk kanë asnjë qëllim tjetër përveç shkaktimit të pasigurisë politike.
“Evropa është në qendër të kësaj tentative për përçarje dhe vecanërisht Gjermania”, është shprehur më tej Kahl.
Rusia ose grupe të lidhura me Rusinë janë akuzuar shpesh për sulme të tilla. Agjencia e brendshme gjermane e inteligjencës akuzoi Rusinë se fshihet pas një sërë sulmesh kibernetike kundër sistemeve kompjuterike të Gjermanisë, duke përfshirë këtu edhe parlamentin vitin e kaluar.
Deklarata e Bruno Kahl vjen pasi shërbimi telefonik i një kompanie në gjermasni u ndërpre pas një sulmi të mundshëm në sistemin e saj. Edhe pse fushata për zgjedhjet federale të cilat do të zhvillohen vjeshtën e ardhshme nuk ka nisur ende, Merkel deklaroi javën e kaluar se do të kërkojë një mandat të katërt si kancelare.
ma.me
