Pas marrjes së detyrës, kryetari i Komisionit Qendror të Zgjedhjeve, Klement Zguri zhvilloi një takim me kreun e Prezencës së OSBE-së në Shqipëri, Ambasadorin Bernd Borchardt.
Kryetari i KQZ-së, Zguri e informoi Ambasadorin Borchardt mbi përgatitjet e procesit zgjedhor të datës 25 qershor 2017 dhe masat e marra nga KQZ për mbarëvajtjen e procesit.
Pjesë e diskutimeve ishin edhe ndryshimet e fundit ligjore mbi financimin e partive politike dhe kufizimin e shpenzimeve gjatë fushatës zgjedhore, si dhe hapat që KQZ do të ndjekë për monitorimin dhe mbikqyrjen e këtij aspekti të rëndësishëm të procesit zgjedhor.
Ambasadori Borchardt nga ana e tij, e siguroi kryetarin e KQZ-së që Prezenca e OSBE-së do të vazhdojë të ofrojë asistencë teknike dhe bashkëpunim për përmbushjen me sukses të misionit të KQZ-së në funksion të organizimit dhe administrimit të zgjedhjeve të lira, të ndershme dhe të gjithëpranuara. /ma.me
