“Në disa portale onlinë, po qarkullon një video e një ish- të dënuari për trafik droge, pjesë e stafit elektoral të kundërshtarit tim në fushatën e fundit elektorale Bujar Fezga, i mbështetur nga Partia Demokratike.
Personi që flet në video, nuk ka asnjë njohje dhe lidhje personale me mua, dhe nuk kam pasur kurrë asnjë kontakt me të.
Ai është viktimë e dëshpërimit që ka kapur opozitën dhe ish kandidatin e saj në Bashkinë e Këlcyrës, pas zgjedhjeve të fundit dhe po përdoret prej tyre.
Sot kam nisur procedurën për të paditur penalisht për shpifje të qëllimshme personin e përdorur politikisht dhe do ti shkoj deri në fund padronit të tij, i cili pasi provoi të fitonte me pare, me përçarje fetare dhe me dhunë, tani shpreson të hedh baltë duke përdorur njerëz të dëshpëruar, të cilët fatkeqësisht janë miqtë dhe bashkëpunëtorët e tij, në fushatën e fundit elektorale“.
Ky eshte reagimi i kryebashkiakut te Kelcyres, Klement Ndoni, pas nje video qe po qarkullon sot ne disa portale.
