Kryetari i Partisë Demokratike Lulzim Basha zhvilloi sot një bashkëbisedim me të rinjtë për idetë, programin dhe alternativën e PD-së.
Në bashkëbisedim mori pjesë edhe kryetari i Forumit Rinor të CDU-së gjermane, Tilman Kuban.
Kuban tha në fjalimin e tij, duke iu drejtuar të rinjve, se “ju jeni pjesë e Europës. Nuk ka asnjë vend tjetër në Europë ku 90 për qind e popullsisë thotë “po, ne duam të jemi pjesë e Eureopë. Unë e di se vendimi i Këshillit Europian shkaktoi shumë zhgënjim në Shqipëri dhe në Maqedoninë e Veriut dhe të gjitha vendet e Ballkanit së bashku. Por dua t’ju them: mos u dorëzoni! Ju keni partnerë të mëdhenj në krah. Ju keni mundësi të mëdha, të ndryshoni sistemin politik”.
Ai iu drejtuar të rinjve të PD-së me fjalët, “ju keni mundësi të thoni “ne duam ndryshimin, ne nuk e duam krimin e organizuar, ne nuk e duam korrupsionin, ne nuk duam zgjedhje të manipuluara”. Ju keni një mundësi që t’i thoni brezit më të ri se kjo është e ardhmja jonë dhe e ardhmja jonë është në Europë, jo në socializëm, jo me mafian e drogës”.
“Ju lutem, ndihmojeni Lulzim Bashën te jetë kryeministër sa më shpejt të jetë e mundur ju duhet të kaloni vetë, që të jetë kryeministri sa më shpejt të jetë e mundur dhe atëherë, le të nisim një kapitull të ri së bashku si miq. Ky është thelbi. Miqtë qëndrojnë bashkë edhe kur dielli shkëlqen, edhe kur ka kohë të vështira. Ju mund të keni besim tek ne si aleatë në NATO dhe si miq politikë”, ishte mesazhi i Tilman Kuban.
/a.r
