Kryetari i Shoqatës së Arkitektëve Maks Mitrojorgji ka dhënë dorëheqjen e tij nga ky post.
Dorëheqja e tij vjen disa ditë pasi Mitrojorgji u shpreh pro projektit të stadiumit të ri Arena Kombëtare, në mbledhjen e mbajtur për prezantimin e stadiumit në Këshillin Kombëtar të Territorit.
Dorëheqja e 68 vjeçarit ka ardhur mbrëmjen e naës së kaluar, teksa deklarata e tij pro në mbledhjen e KKT-së solli dhe një reagim të zv kryetarit të Shoqatës së Arkitektëve Arben Biçoku, i cili dha se distancoheshe nga deklaratat e Mitrojorgjit, të bëra në atë mbledhje.
“Distancohem nga qëndrimi i arkitektit Maksim Mitrojiorgji në mbledhjen e këshillit kombëtar të territorit të ditës së sotme, 29;04;2016, ku u shqyrtua projekti i stadiumit të ri të Tiranës, duke deklaruar se ai ishte qëndrim personal dhe jo rezultantja e mendimit të shoqatës së arkitektëve. Pozicionet hyra me mëndjen time, po po dal me mendjen e shefit janë të papranueshme për mua dhe tregojnë mungesë karakteriale të theksuar” u prononcua ai.
Deklaratat e Maks Mitrjorgjit në KKT sollën dhe një reagim të Ramës.
“Edhe shoqata e arkitektëve ndryshoi mendim pasi u njoh me projektin” shkroi Rama në rrjetin e tij social pas dëgjesës publike mbi projektin.
Debati për stadiumin Arena Kombëtare prodhoi një sërë tensionesh ditën e prezantimit të projektit në KKT, ku një sërë pjesëtarësh të shoqërisë civile nuk u lejuan nga garda. javanews/ a.k
