Drejtori i “Shefqet Ndroqit”, mjeku i njohur Perlat Kapisyzi, ishte i ftuar mbrëmjen e së premtes në studion e emisionit “Java në RTSH”.
Kapisyzi tha në panelin me analistët Preç Zogaj e Lorenc Vangjeli se situata në spitale është e vështirë si për pacientët, ashtu edhe për mjekët që menaxhojnë situatën. Ai shtoi se përkushtimi ndaj të infektuarve me Covid është maksimal dhe sakrificat janë të panumërta.
“Duhet të dini se kush kudjeset për dikë patjetër që merr nga vuajtja e tij. Mjekët janë misionarë. Ata po ‘veteflijohen’ sepse po shohin çfarë po ndodh dhe serish janë te koka e pacientit. Disa prej tyre me Xanxax në xhep për shkak të stresit që u shkaktohet” – tha Kapisyzi.
Por a është situata në spitalet Covid pranë kolapsit? Kreu i ‘Shefqet Ndroqit” u shpreh se masat ekstreme të marra në mars i ‘shpëtuan’ spitalet pasi iu dha kohë për të marrë masat.
“Nuk jemi pranë kolapsit. Që në mars, ai lockdoën që u bë na dha kohë që të marrim shumë masa. Çdo spital ka detyrim ndaj ligjeve në fuqi që duhet të ketë programin për emergjencën civile. Ne zbatuam dhe po batojmë atë program. Emergjencë civile do të thotë shtim të shtretërve dhe personelit. Kemi marrë personelin e sallave dhe e kemi futur në organikë. Ajo që është më e rëndësishme është që janë shtuar edhe 88 infermierë me kontratë nga Ministria e Shëndetësisë. Sepe shërbimi i tyre është shumë i nevojshëm dhe i domosdoshëm” – tha Perlat Kapisyzi për “Java në RTSH”.
Nderim dhe respekt per dr. Perlatin!