“Sfida e përbashkët është zhvillimi i Tiranës si kryeqyteti i shekullit 21”. Kështu deklaroi kryetari i sapozgjedhur i Këshillit Bashkiak të Tiranës, Toni Gogu për A2News, i cili ka komentuar projektet, por edhe sfidat që e presin Bashkinë gjatë këtij katërvjeçari.
“Ne kemi marrë tashmë detyrën, filluam dje menjëherë me një inspektim të pronave. Sfidat janë të ndryshme për Tiranën në zona të ndryshme. Sfida e përbashkët është zhvillimi i këtij qyteti si kryeqyteti i shekullit 21, si kryeqyteti ku shqiptarët gati gjysma e popullsisë së saj jetojnë në këtë qytet dhe ndërtojnë ëndrrat dhe të ardhmen e fëmijëve të tyre, shkollimin e tyre, formimin e tyre, kulturën, artin, e kështu me radhë. Nga ana tjetër kemi dhe ato pjesë të qytetit ku janë dhe pjesët rurale të cilat duhet ta kapin ritmin e qytetit në gjëra të caktuara siç janë disa shërbrime publike që duhen t’u ofrohen atyre”, tha Toni Gogu.
Ai theksoi se një vëmendje e madhe do t’i kushtohet edhe administrimit të pronës së përbashkët përmes administratorëve të pallateve.
/a.r
