Kreshnik Spahiu mori pjesë në mitingun mbyllës të fushatës së PD-së në Dibër, për zgjedhjet për kryebashkiakun e ri.
Ai ka qenë i ashpër në deklaratat e tij kundër mazhorancës dhe veçanërisht kryeministrit Edi Rama, për të cilin ka kërkuar votën e dibranëve që siç tha ai “ta shporrim”.
Spahiu ka treguar edhe një bisedë me një socialist dibran, të cilin e ka quajtur “kastravec”:
“Një socialist më ndali dhe tha ‘kujdes me këto thirrjet se je në Dibër të Vogël dhe jo në Dibër të Madhe’.
I thashë “o kastravec socialist, komunistët e ndanë Dibrën e Vogël dhe të Madhe. Nuk ka Dibër të Vogël dhe të Madhe, ka një Dibër kuqezi, Dibra e dibranëve dhe Dibra e shqiptarëve”.
Pasi ecëm në bulevard i them vila e kujt është kjo? “Është vila e Ramës më tha. Epo ju Dibrën e ndani në të madhe dhe të vogël edhe Ramën e ndani në Ramën e madh dhe të vogël, t’i rrëzojmë”….
Djemtë socialistë vënë më shumë buzëkuq se mamatë e tyre dhe vajzat socialiste pinë alkool dhe bëhen tapë më shumë se baballarët e tyre ndaj ai s’ka fytyrë t’u japë mesazh dibranëve, shporreni Edi Ramën”, tha Spahiu.
Tema/d.i.
