Analisti Milaim Zeka është shprehur se Gjykata Speciale që po gjykon krerët e UÇK-së në Hagë është një produkt i kazanit ruso-serb.
Komentet Zeka i bëri përmes një interviste për Panorama TV, ku tha se akt-akuzat e Prokurorisë për krerët e UÇK-së ishin skandaloze.
Zeka tha se shumica e dëshmitarëve që do të dëgjohen lidhur me akuzat e pretenduara të krimeve të luftës, pra 312 prej tyre, janë serbë, çka sipas tij mund të ndikojë në hetim në dëm të ish-krerëve të UÇK-së.
“Aktgjykimet e dhëna janë të padrejta. Deklaratat dhe aktakuzat e prokurorisë ishin skandaloze. E dënuan Haradinajn dhe Gucatin gjoja për dojet e publikuara, të dala nga Beogradi. Trembem se padrejtësia do të vendosë drejtësi edhe për rastin konkret. Duke parë dhe analizuar aktgjykimin që ju dha Calit me 25 vite burg dhe duke parë atë që ndodhi me Haradinajn dhe Gucatin, them se gjithçka është e mundur. Është e paimagjinueshme që një gjykatë e votuar nga Parlamenti i Kosovës ta hetojë për krime lufte Jakup Krasniqin, profesorin e njohur që ka qënë 12 vite në burgjet e Serbisë për të mbrojtur të drejtat e shqiptarëve.
Një burr 72 vjeçar me një histori të tillë, është e vështirë për ta përballuar atë aktakuzaë që flitej gjatë seancës së parë dhe që një njeri nga një çlirimtar të quhet një kriminel. Njëri prej avokatëve është nga më të famshmit botëror. Ka qenë avokat i Ramush Haradinajt në Tribunalin e Hagës. Ai e çmontoi akt-akuzën e ngritur ndaj tij. Mbi bazën e kësaj po them se edhe avokati i Thaçit dhe i Veselit e bënë një punë të shkëlqyeshme, sepse secili prej tyre foli për gjëra që nuk kishte folur avokati numër 1. Ishte një mbrojtje e shkëlqyeshme, pasi u tha që roli komandues në zinxhirin e UÇK-së nuk kishte ekzistuar.
Në fund u tha që nuk ekziston asnjë provë apo dokument që do të faktonte që njëri prej të akuzuarve ka dhënë urdhër për vrasjen apo arrestimin e dikujt. Që Gjykata Speciale është produkt i kazanit ruso-serb kjo dihet. Dick Marty e filloi atë raportin e tij të famshëm për transplant organesh ndaj ushtarëve serbë, gjoja ishin marrë nga Kosova, ishin sjellë në Shqipëri dhe ishin çuar tea jo shtëpia e verdhë që është bërë më e famshme se shtëpia e bardhë në SHBA apo shtëpia e Kremlinit. Kjo histori ka filluar nga dy gazetarë të Tiranës që punonin për BIRN dhe të financuar nga rusët. Pastaj erdhi rezoluta në Këshillin e Europës që për fat të keq gjeti mbështetje nga shumë deputetë në Kuvendin e Shqipërisë dhe të RMV-së.
Pjesa dërmuese e 312 dëshmitarëve janë serbë. Ka edhe shqiptarë. Se çfarë do të ndodhë nuk e dimë. Unë nuk i jap të drejtë vetes që të bëj një analizë të dëshmitarëve pa dëgjuar çfarë do të thonë. Për trupin gjykues atje nuk ka rëndësi nëse dëshmitari është serb, nga Kosova, rom, etj. Varet gjithçka se çfarë do të dëshmojnë ata. Ne e dimë që edhe arrestimi i Thaçit që ishte në rrugë e sipër për në Ëashington, që do të takohej me presidentin Trump, ku do të nënshkruante edhe një marrëveshje. Ishte vendim puro politik i mbështetur nga Rusia dhe nga Gjermania e Merkelit. Tani që ka nisur lufta në Ukrainë, po e shohim sesa shumë ka qenë e ndikuar bota perëndimore nga paraja dhe gazi rus. Për fat të keq të popullit ukrainas, skena politike ka pësuar ndryshime. Perëndimi po e sheh me një sy tjetër Rusinë dhe Serbinë.
Rreth prokurorit Xhek Smith që po heton edhe Trump, janë ngritur pikëpyetje të shumta. Në Hagë është ngritur një gjykatë njëetnike që do të dënojë vetëm krimet e kryera nga shqiptarët. E gjithë kjo që po ndodh në Hagë është trysni ndërkombëtare dhe kësaj trysnie i besoi Hashim Thaçi që loboi fuqishëm për ta themeluar Gjykatën Speciale dhe kjo po i kushton atij dhe të tjerëve që ndodhen atje. Vendimi është i trupit gjykues tani. Flasim për viktima dhe trupa të vrarë. Çdonjëri nga ne e dëshiron zbardhjen e vrasjeve të ndodhura gjatë dhe pas luftës. Çdo njeri kërkon të dijë kush janë vrasësit e ish-ministrit të Brendshëm në Shqipëri. Çdonjëri do të dijë se kush e vrau Enver Malokun. Po ashtu për zotin Raci që ka qenë kryetar i komunës së Klinës”, u shpreh Zeka./m.j
