Rusia nuk ka asnjë dosje kompromentuese për presidentin e zgjedhur Donald Trump, theksoi sot Kremlini, duke i cilësuar akuzat e krerëve të shërbimeve sekrete amerikane si krejtësisht false dhe që synojnë të godasin marrëdhëniet me Uashingtonin.
“Kremlini nuk ka dosie kompromentuese për Donald Trump”, deklaroi për gazetarët zëdhënësi i Kremlinit, Dmitri Peskov.
Shumë media amerikane raportuan sot për ekzistencën e një dokumenti me 35 faqe ku janë të detajuara informacione të paraqitura si kompromentuese për Donald Trump, mes të cilave edhe ekzistenca e një videoje me karakter seksual e filmuar në mënyrë të fshehtë nga shërbimet ruse gjatë një vizite në Moskë në vitin 2013.
