Banka e Shqipërisë bën të ditur se, kërkesa për kredi, për blerje shtëpie është në rritje të vazhdueshme.
Tirana, qarku me zhvillimin më të shpejtë urban dhe demografik, ka marrë dhe pjesën më të madhe të huadhënies për blerje banesash, me rreth 67.4%.
Ndërkohë niveli i kreditimit për individë vijon që të jetë i qëndrueshëm për disa vite me radhë.
Sipas Bankës së Shqipërisë, shpërndarja gjeografike e kredisë konsumatore rezulton më e njëtrajtshme, vetëm 46.3% e kredisë për këtë segment është e përqendruar në rrethin e Tiranës.
Zgjerimi i portofolit të kredisë konsumatore në vitet e fundit reflekton ndër të tjera, përmirësimin në tregun e punës dhe marrëdhëniet me bankat.
Në tremujorin e dytë të vitit, kredia për individë ka ruajtur normat e rritjes si një tremujor më parë.
/a.r
