Guvernatori i Bankës së Shqipërisë tha sot se fati i 35 kompanive të mëdhaja do të marrë një tjetër rrjedhë vitin që vjen. Bëhet fjalë për problematikët e bankave, seleksionimi i të cilëve është një nga pikat e planit për uljen e kredive të këqija.
“Fokusi ynë ka qenë të ndanim se cilat kompani kishin prospekte pozitive dhe cilat nuk mund të rimëkëmbeshin më. Është punuar me bankat dhe është bërë ndarja”, deklaroi Sejko.
Guvernatori nuk dha detaje të mëtejshme, por kërkoi nga gjykatat që të bëjnë pjesën e tyre. Deklaratat e Gentian Sejkos erdhën gjatë mbledhjes së djeshme të Komisionit parlamentar të Ekonomisë ku ai u thirr për të dhënë sqarime rreth parashikimeve ekonomike të vitit të ardhshëm.
