Asnjëherë më parë nuk e kemi parë trupën e Komisionit Qendror të Zgjedhjeve të jetë aq bashkëpunuese mes të gjithë anëtarëve.
Marrëveshja politike PS-PD është reflektuar tashmë edhe ne debatin politik në KQZ , duke marrë shpesh herë edhe vendime ekstraligjore nga kjo trupë e cila me drejtimin e Klement Zgurit gjithçka votohet me qetësi, pa xhelozi dhe unanimisht.
Madje edhe votimi për zgjedhjen e nënkryetarit Denar Biba, ndonëse me votim të fshehtë nga anëtarët , e ndonëse për këtë post garonte edhe Bledar Skënderi votimi shkoi 7 me zero. Në këtë drejtim edhe nga Kryetari. por edhe anëtarët u evidentua fakti se trupa e KQZ po merr edhe vendime ekstraligjore duke iu referuar pikërisht marrëveshjes politike.
Ndërsa anëtarët e KQZ diksutonin për mënyrën e përllogaritjes së kostos financiare të veprimtarive nga partitë politike gjatë fushatës zgjedhore, ndërsa vendimi i pritshëm ishte unanim për këto ndryshime , kryetari i KQZ, Zguri kërkoi që mos të merret kohë me diskutime për çështje për të cilat në fund votohet pro.
Po ashtu KQZ votoi unanimisht disa ndryshime në trupat e komisioneve zonale të amdinistrimit të zgjedhjeve në vend, si edhe trupën e vëzhguesve afatgjatë të OSBE-ODIHR./Shqiptarja
