Komisioni Qendror i Zgjedhjeve njoftuar se ka marrë vendim në lidhje me procesin zgjedhor, duke urdhëruar numërimin fillestar të dy kutive të votimit që deri më tani kishin mbetur të panumëruara.
Bëhet fjalë për një kuti në qarkun e Durrësit dhe një kuti në qarkun e Elbasanit.
Njoftimi zyrtar i KQZ-së:
“Komisioni Qendror i Zgjedhjeve (KQZ) urdhëron numërimin fillestar të votave të panumëruara për qendrat e votimit nr. 1352/01, KZAZ nr. 21, qarku Durrës dhe nr. 2777/00, KZAZ nr. 54, qarku Elbasan. Procesi i numërimit do të kryhet më datë 20.05.2025, ora 12:00, në ambientet e KQZ-së.
Rezultatet e këtyre qendrave të votimit do të përfshihen në Tabelën Përmbledhëse të Rezultatit të Zonës Zgjedhore përkatëse.”
Dy kutitë, janë marrë të rregullta në KQZ dhe më pas janë konsideruar nga KZAZ si të parregullta. Sipas akteve të KQZ-së, nëse kutitë merren nga KZAZ si të rregullta, ato duhet të numërohen.
Numërimi do të zhvillohet në ambientet e Komisionit Qendror të Zgjedhjeve në Tiranë, të hënën, më 20 maj 2025, në orën 12:00.
