Qerim Ismailaj, do të vazhdojë të jetë kryetari i Bashkisë së Mallakastrës. KQZ vendosi sot vazhdimin e mandatit të tij, pavarësisht se Prokuroria kishte zbuluar dënimin e tij me 3 vite burg në vitin 2000 nga një gjykatë greke.
“Si qëndron kjo çështje? Në rastin kur dënimet penale janë kryer në Shqipëri, KQZ bën vetë vlerësimin duke lexuar aktin e vendimit. Në rastet kur vendimi është marrë në vende të tjera, të huaja, KQZ nuk e ka mundësinë që ta bëjë vlerësimin. Ndaj dhe i drejtohet Prokurorisë dhe ky organ i thotë KQZ sa dhe si qendron neni 2. Pra ai na thotë çfarë vepre penale ka kryer dhe na thotë nësë është apo jo vepër penale. Nuk përfshihet në kushtet e ndalimit. Vazhdon mandatin“, deklaroi Celibashi.
Kundër këtij vendimi lejohet ankimim në KAS brenda 3 ditësh. Ky vendim hyn në fuqi menjëherë.
g.kosovari
