Kryetari i Partisë për Drejtësi Integrim dhe Unitet, Shpëtim Idrizi mbetet zyrtarisht jashtë parlamentit. Në mbledhjen e KQZ për çertifikimin e rezultateve sipas qarqeve, ky institucion ka rrëzuar kërkesën e PDIU për rishikimin e tabelave për Tiranën, ku kjo forcë pretendon se ka fituar një mandat, përmes kryetarit Idrizi.
Mesila Doda dhe përfaqësuesi i PDIU në KQZ kërkuan 48 orë kohë për hetim administrativ, pasi kanë fakte se është shtrembaruar vullneti i zgjedhësve. Ata kanë shprehur pretendimet se tabelat nuk janë përllogaritur saktë. Por, KQZ ka hedhur poshtë kërkesën dhe ka miratuar tabelat e rezultateve, duke e lënë PDIU pa mandat, dhe duke konfirmuar 18 mandatet e PS, 11 të PD dhe 5 të LSI.
Sipas Mesila Dodës, PDIU-së i duheshin vetëm 36 vota për sigurimin e mandatit, vota të cilat sipas saj kjo forcë i kishte por i janë llogaritur një tjetër subjekti.
***
Komisioni Qëndror i Zgjedhjeve është mbledhur sot për të çertifikuar rezultatet në 7 qarqe për zgjedhjet e 25 Qershorit. Mes qarqeve që zyrtarizojnë rezultatin është edhe Tirana ku ka pretendime nga PDIU për një mandat, atë të kryetarit të kësaj force Shpëtim Idrizi. Referuar rezultateve, ai ka humbur mandatin pasi nuk ka kapur pragun prej 3 %, që është i arritshëm me një numër prej rreth 50 votash sipas përllogaritjeve.
Por, PDIU pretendon se votat e nevojshme janë por i janë llogaritur një subjekti tjetër. Po ashtu, kjo forcë më herët ëhstë shprehur se disa kuti nuk janë pasqyrruar në tabelë. Për këtë arsye, Mesila Doda ka kërkuar 24 orë kohë për një hetim administrativ.
“Të administrohet çdo provë e materialit zgjedhor. U shtrembërua vullneti i zgjedhësve. Kërkojmë 48 orë për një hetim administrativ”, tha Doda./a.m.