Komisioni Qendror i Zgjedhjeve miratoi të enjten buxhetin e zgjedhjeve parlamentare të 18 qershorit, qe kap shumen e rreth 734 milion lekëve.
Vendimi u shty të martën për të sqaruar disa elementë lidhur me zërin në buxhet të shërbimit të kamerave dhe transmetimin e të dhënave nga qendrat e votimit.
Pas sqarimeve të dhëna nga ekspertet e administratës zgjedhore, Komisioni miratoi vendimin me votë unanime. Buxheti i zgjedhjeve të reja është më i lartë se ato të zhvilluara katër vjet më parë, qe kushtuan rreth 728 milion lekë.
Struktura e shpenzimeve buxhetore për zgjedhjet për Kuvendin, parashikon që zëri i pagave për personelin shtesë dhe pagat e anëtarëve të komisioneve të votimit të jetë me rreth 285 milion lekë, zëri i shërbimeve kap shifrën e 255 milion lekëve, ndersa ai për mallra është më i ulëti, me rreth 194 milion leke./b.d
