Komisioni Qendror i Zgjedhjeve ka propozuar kandidatin Eduart Ndocaj si personin që do të marrë mandatin e deputetit të dorëhequr të Qarkut të Lezhës, socialistin Arben Ndoka, një cështje që do ta shqyrtojë më tutje Parlamenti shqiptar. Sipas listës shumëemërore të PS, rradha pas deputetit Arben Ndoka i vinte, atij që tashmë është kreu aktual i Bashkisë së Mirditës, zotit Ndrec Dedaj i cili ka deklaruar dorëheqjen e tij në këtë listë.
Kësisoj, kandidati për mandatin e Ndokës kalon në emrin tjetër, i cili është i Eduart Ndocajt. Pas debateve, KQZ ka vendosur të pranojë deklaratën e Dedajt duke rrëzuar aktin për dhënien e mandatit atij. Anëtarët e djathtë në KQZ kanë votuar pro kalimit të mandatit tek Dedaj, ndërsa kryetarja dhe 3 anëtarët e majtë kanë votuar kundër.
Ndërkaq pas këtij vendimi, Denar Bibaj ka propozuar Eduart Ndocajn si pasues.
“I kalon në kontekst parlamentit, kandidati Eduart Mark Ndocaj”, ka thënë kryetarja e KQZ, Lefterie Luzi.
