Komisioni Qendror i Zgjedhjeve, në mbledhjen e ditës së sotme shqyrtoi dhe miratoi projektvendimin për dhënien e mandatit të deputetit te Kuvendit, kandidatit të listës shumemërore të Partisë Drejtësi Integrim dhe Unitet në Qarkun Elbasan, për plotësimin e vakancës së njoftuar nga Kuvendi i Shqipërisë. KQZ vendosi t’i japë mandatin e deputetit kandidatit të radhës së listës shumemërore të subjektit “Partia Drejtësi, Integrim dhe Unitet” Qarku Elbasan, Elena Xhina.
Ish deputeti i PDIU-se Bujar Muça përmes një letre para 10 ditësh njoftonte KQZ se do të hiqte dorë nga mandati vetëm 3 muaj pasi u ul në karrigen e Kuvendit si deputet i Shqipërisë. Bujar Muça është një biznesmen i njohur në qarkun e Elbasanit, por edhe në Tiranë, ndërsa në letër sqaronte se “ vendimin për dorëheqjen e mora për shkak të rrethanave politike”. Sipas tij PDIU nuk i arriti objektivat në zgjedhjet e 25 qershorit dhe një gjë e tillë pamundëson mbajtjen e premtimeve.
ma.me
