Oret e fundit te se hënes kane qenë afati i fundit kur qytetarët me të drejtë vote që nuk jetojnë në Kosovë kanë mundur të regjistrohen për të votuar. Me gjithë dy kërkesat nga dy subjekte politike për të zgjatur afatin e regjistrimit për votues jashtë vendit, Komisioni Qendror Zgjedhor nuk e zgjati atë.
Sikur Lëvizja Vetëvendosje, ashtu edhe Aleanca Kosova e Re e Behgjet Pacollit ka kërkuar që ky afat të shtyhet së paku për 24 orë. Sekretari i AKR-së, Vesel Makolli, ka konfirmuar për gazetën parashtrimin e kërkesës, shkruan Koha Ditore.
Sipas burimeve të gazetës brenda KQZ-së, Këshilli i Operacioneve zgjedhore brenda KQZ-së e ka refuzuar kërkesën e Vetëvendosjes duke u arsyetuar se do të ketë ndikim në afatet e tjera për këtë proces zgjedhor.
Sipas po të njëjtave burime, një takim ishte thirrur pak para përfundimit të orarit të punës, në orën 15:30, por më pas ishte anuluar.
Gazeta gjatë gjithë ditës ka provuar të marrë një përgjigje nga kryetarja e Këshillit Qendror Zgjedhor, Valdete Daka, por ajo nuk ka qenë e qasshme, përgatiti Express. (b.an)
