Komisioni i Pavarur i Kualifikimit ka konfirmuar në detyrë gjyqtarin e Apelit të Tiranës Ilir Toska.
Në seancën e zhvilluar sot KPK ka arritur në konkluzionin se gjyqtari kalon me sukses tre shkallët e verifikimit, justifikimin e pasurisë, integritetin moral dhe aftësitë profesionale.
Kujtojmë se gjyqtari Ilir Toska ëhstë edhe kandidat për Këhsillin e Lartë Gjyqësor.
Drejtoria e Sigurimit të Informacionit të Klasifikuar nje dite me pare vleresoi se e gjen te papershtashem ne detyren e gjyqtarit, Ilir Tosken. Vleresimi i ketij institucioni eshte bere publik dje ne seancen gjyqesore ne Kolegjin e Pavarur te Kualifikimit, i cili nga ana e tij e ka vleresuar si te pabazuar kete konkluzion te DSIK-se.
Toska sipas raportit të lexuar në Komisionin e Pavarur të Kualifikimit, ka një pasuri të paluajtshme, një apartament 83 metra katrore me vlere 80 mije euro në Rrugën “Ali Demi” në Tiranë.
Gjyqtari ka kërkuar rikonfirmimin në detyrë. “E konsideroj procesin e rregullt ligjor, te paanshëm, jam dakord me të, për ketë arsyeje kërkoj rikonfirmim”, është shprehur në seancë Toska./a.m.
