Anëtari i Gjykatës së Lartë Ardian Dvorani doli sot para Komisionit të Pavarur të Kualifikimit për procesin e Vettingut.
Në raportin e KPK, renditeshin një sërë problemesh me deklarimin e pasurisë nga ana e gjyqtarit Dvorani, të cilit i ka mbaruar mandait në Gjykatën e Lartë por ka qëndruar në detyrë në kushtet kur ka vakanca.
Sipas ILDKPKI Dvorani ka fshehje pasurie pasi nuk ka deklaruar ne vitin 2016 llogarite bankare dhe lukuiditetet. Pas seancës dëgjimore, ka ardhur edhe reagimi i vetë gjyqtarit Dvorani për mediat.
Ndërsa vendimi ndaj tij do të jepet më 25 korrik, në ora 10.00, gjyqtari në mbyllje të seancës mohoi të ketë fshehur pasurinë.
Madje ai tha se mos deklarimi i të ardhurave për të cilat tha se janë të ligjshme, ka ardhur prej ngarkesës në punë.
“Kurrë nuk kam mbajtur para poshtë dyshek por i kam deklaruar gjithmonë në banka. Nuk ndihem krenar se kam plotësuar gabim deklaratën e pasurisë. Por kjo s’ka pasur për qëllim të fshehë ndonjë gjë. Ka qënë thjesht pakujdesi për shkak të ngarkesës së punës”, u shpreh gjyqtari.
Madje ai shtoi se Inspektoriati i Lartë i Deklarimit dhe Kontrollit të Pasurisë, nuk e ka thirrur asnjëherë për verifikim./a.m.
