Kozeta Angjeliu, drejtoresha që nuk firmos projektin e ri të stadiumit “Qemal Stafa”

Projekti për stadiumin e ri në vend të “Qemal Stafës” është kthyer në temën kryesore të debateve ditët e fundit. Rreth këtij projekti ka shumë pikëpyetje, sidomos për ngritjen e një kulle dhe për faktin se do të shembet një objekt i trashëgimisë kulturore dhe do të ndërtohet në mes të Tiranës, një stadium shumë herë më i madh. Projekti ndërkohë për momentin ka mbetur peng i një firme, shkruan Tema. Drejtoresha e Zyrës së Trashëgimisë Kulturore nuk ka pranuar të firmosë për prishjen e stadiumit, duke kërkuar më parë shfuqizimin e pjesës ligjore që e pengon.