Edhe 100 ditë kanë mbetur deri te fillimi i Olimpiadës XXXI, që mbahet në Rio de Janeiro të Brazilit prej 5 deri më 21 gusht.
Kosova dhe Sudani Jugor për herë të parë do të paraqiten në ngjarjen më të madhe Lojërat Olimpike.
Por Kosova nuk do të mjaftohet vetëm me pjesëmarrje. Është xhudistja Majlinda Kelmendi që pretendon medalje. Me normë në Rio do të jetë edhe Nora Gjakova që po ashtu ka pretendime për medalje.
Pretendimet e Kelmendit kanë bazë. Asaj tashmë i parashikohet fitimi i medaljes së artë olimpike në Rio.
Është sajti i specializuar “Infostrada Sports” që parashikon që Kelmendi të fitojë medaljen e artë në kategorinë deri 52 kilogramë, shkruan Koha Ditore.
“Infostrada Sports” përpilon tabelë virtuale të medaljeve, duke u bazuar në rezultatet e arritura në ngjarjet e mëdha.
