Edhe pse u kanë dërguar lëvdata për “lidership dhe përgjegjësi” që kanë treguar në raundin e fundit të dialogut në nivel të lartë mes presidentëve dhe kryeministrave të Kosovës dhe Serbisë, vetëm një ditë pas këtij takimi nga BE-ja për të njëjtët kanë ardhur thirrjet që të përmbahen nga deklaratat që mund të akuzojnë palën tjetër, shkruan Koha Ditore.
Madje, siç është shprehur edhe zëdhënësja e Komisionit Evropian, një prej marrëveshjeve nga ky takim ka qenë që palët të mos japin deklarata publike rreth diskutimeve.
Kjo zëdhënëse kishte shprehur “keqardhje” për faktin se “jo të gjithë kanë respektuar këtë gjë”, pa saktësuar se në kë mendojnë saktësisht. (b.an)
