Hashim Thaçi ka thënë se është e papranueshme gjithë ajo që po ndodh ne Kuvend nga opozita.
“Vazhdimi i pengimit fizik të punës së Kuvendit është në kundërshtim me vullnetin e popullit, me legjislacionin dhe tërë përkushtimin tonë që të punojmë në forcimin e shtetit”, ka thënë ai.
Sipas tij, është plotësisht e papranueshme kjo bllokadë pasi që jemi në pragë të anëtarësimit në UNESCO, nënshkrimin e MSA-së, heqjen e vizave, dhe themelimin e Forcave të Armatosura.
“Këto mesazhe nga Kosova janë me të këqijat dhe të panevojshme, janë kundër perspektivës së Kosovës”, ka thënë ai.
Sipas tij, reagimet e opozitës janë gërrditëse, neveritëse. “Partnerët e Koalicionit do të vazhdojnë punën, nuk mund të ndalemi para pengesave fizike. Qeverinë e udhëheqin ata që i fitojnë zgjedhjet.
Ftoj opozitën që të bëhet pjesë e proceseve në Kosovë, por edhe e implementimit të marrëveshje”, ka thënë ai.
Sipas tij, për vazhdimin e seancës vendos kryetari i Kuvendit dhe Kryesia.
